Maraming salamat sa donasyon na drinking fountain mula sa Maynilad!

Tinanggap nina Mayor Joy Belmonte, Schools Division Superintendent Carleen Sedilla, at Education Affairs Unit chief Maricris Veloso ang mga donasyon na refrigerated drinking fountain mula sa Maynilad Water Services, Inc.

Nakiisa rin sa seremonya sina City Administrator Michael Alimurung, Asst. City Administrator for General Affairs Atty. Rene Grapilon, Asst. City Administrator for Operations Alberto Kimpo, at mga city councilors.

Ang mga drinking fountain ay ipapamahagi sa mga piling pampublikong paaralan sa lungsod. Layon nitong bigyan ng ligtas na potable water ang mga mag-aaral at hikayatin sila na gumamit ng reusable water container.

Sa kabuuan ay nakapagbigay na ng 77 units ng refrigerated drinking fountain ang Maynilad sa iba-ibang paaralan sa QC.