Tinanggap ng Lokal na Pamahalaan ang donasyong refrigerated drinking fountain mula sa Metropolitan Waterworks & Sewerage System Regulatory Office (MWSS RO), Upsilon Sigma Phi, at Sigma Delta Phi Batch 1999 matapos ang turnover ceremony sa City Hall.
Ito ay bahagi ng mga inisyatiba ng Upsilon Sigma Phi at Sigma Delta Phi Batch 1999 para sa kanilang 25th year anniversary katuwang ang Manila Water, Maynilad, MWSS RO, at opisina ni Councilor Alfred Vargas.
Inaasahang magkakaroon din ng turnover ceremonies para sa mga paaralan sa QC upang mabawasan ang paggamit ng plastic bottles.
Nakibahagi sa seremonya sina Councilor Vargas, Department of the Interior and Local Government Usec. Omar Romero, MWSS RO Chief Regulator Atty. Patrick Ty, Deputy Administrator Lee Britanico, Manila Water Company Director for Government Affairs Karl Zapanta, at City Engineer Atty. Dale Perral bilang kinatawan ni Mayor Joy Belmonte.
