Young Leaders for Good Governance! 
Ibinahagi ni Mayor Joy Belmonte ang mga programa at polisiya ng Pamahalaang Lungsod Quezon na layong bigyan ng dekalidad na edukasyon ang kabataang QCitizens sa idinaos na Young Leaders for Good Governance ng Jesse M. Robredo Foundation.
Para sa Alkalde, mahalagang pundasyon ang maayos at tapat na pamamahala upang patuloy na mapaunlad ang mga programang pang-edukasyon.
Bahagi ng presentasyon ni Mayor Joy ang QC E-Services, pagbuo ng Education Affairs Unit (EAU), pagpapalawak ng scholarship opportunities at school supplies, social inclusion, at ang promotion ng climate action sa mga eskwelahan.
Dumalo sa programa sina EAU head Maricris Veloso, San Jose de Buenavista, Antique Mayor Paul Joseph Untaran, Pililla, Rizal Mayor John Masinsin, Jesse M. Robredo Foundation Inc. Program Manager Harvey Keh, Aurora Vice Governor Patrick Angara, mga vice mayors, councilors, at board members mula sa iba-ibang bahagi ng bansa.
