Pormal nang itinurn-over ni PBGen. Redrico Maranan ang pagiging Quezon City Police District (QCPD) Director kay PCol. Melecio Buslig.
Naging saksi sa turnover of command sina Mayor Joy Belmonte at National Capital Region Police Office (NCRPO) Regional Director PMGen. Jose Melecio Nartatez.
Sa kanyang mensahe, pinasalamatan ni Mayor Joy si Maranan dahil sa kanyang dedikasyon at serbisyo para matiyak ang seguridad at kaligtasan ng mga QCitizen.
Ipinahayag naman ng alkalde kay QCPD Acting Director Buslig ang hangarin nitong mas maigting na pakikipag-ugnayan sa mga pulis para lubos na mapaglingkuran ang mga mamamayan.
Si Maranan ay mahigit isang taong nagsilbi bilang QCPD chief. Maglilingkod na siya bilang Regional Director sa Central Luzon (Region 3).
