Muling nagpulong ang mga opisyal at kawani ng Quezon City Law and Order Cluster kasama ang iba pang mga departamento ng lungsod upang matiyak na magiging maayos at ligtas ang mga bibisitang QCitizens sa kanilang mga yumaong mahal sa buhay sa mga sementeryo at kolumbaryo sa lungsod sa darating na #Undas2022.

Pinangunahan ni Asst. City Administrator for Operation Alberto H. Kimpo ang pagpupulong kasama sina Asst. City Administrator for General Affairs Atty. Rene S. Grapilon, Task Force for Transport and Traffic Management (TF-TTM) OIC Dexter Cardenas, Civil Registry Head Salvador Cariño, Market Development and Administration Department (MDAD) Chief Ret. PCol. Procopio G. Lipana, Department of Public Order and Safety (DPOS) division heads Remigio B. Gregorio at Roger P. Cuaresma, at mga kawani ng iba pang departamento.