Kinilala ng Global Business Tourism Association (GTBA) si Mayor Joy Belmonte bilang Mayor of the Year, sa kanilang pagtitipon sa Novotel Manila.
Pinarangalan ng organisasyon si Mayor Joy dahil sa kanyang puso at dedikasyon sa pagse-serbisyo sa mga QCitizen, at pagbubuo ng mga de-kalidad na programa para sa mga residente.
Ayon sa alkalde, pinaplano ng QC ang pagbubuo ng Tourism Development Plan upang mas maisulong ang industriya ng turismo sa lungsod.
Kasama rin sa pinarangalan ng GTBA sina Department of Tourism (DOT) Sec. Christina Garcia Frasco (World Tourism Icon of the Year), Thailand Ambassador HE Tull Traisorat (Ambassador of the year), Malaysian Ambassador HE Dato’ Abdul Malik Melvin Castelino (Ambassador of the Year), Israeli Ambassador HE Ilan Fluss (Ambassador of the Year), DOT Usec. Myra Paz Valderrosa-Abubakar (Outstanding Tourism Officer of the Year), at DOT-NCR Regional Director Sharlene Zabala-Batin (Outstanding Tourism Officer of the Year).
