Kaisa ang Lungsod Quezon sa simultaneous grand launch ng Buhay Ingatan, Droga’y Ayawan (BIDA) program sa Quezon Memorial Circle na pinangunahan ni DILG Secretary Benjamin C. Abalos Jr. at dinaluhan ni Vice Mayor Gian Sotto bilang kinatawan ni Mayor Joy Belmonte.

Ang BIDA program ang anti-illegal drugs campaign ng Department of the Interior and Local Government (DILG). Layon ng programa na tumutok sa drug demand reduction at rehabilitation sa mga komunidad.

Sa estimate ng QCPD, umabot sa 10,000 ang dumalo sa kampanya mula sa iba-ibang lungsod sa Metro Manila.

Dinaluhan din ito ng mga opisyal tulad nina Congressman Ferdinand Alexander A. Marcos III, Malabon City Mayor Jeannie Ng-Sandoval, San Juan City Mayor Francisco Javier Zamora, Navotas City Mayor John Reynald Tiangco, Caloocan City Mayor Along Malapitan, Marikina City Vice Mayor Marion Andres, Bacolod City Mayor Alfredo Benitez, San Manuel, Tarlac Mayor Doña Cresencia R. Tesoro, Iba, Zambales Mayor Jun Rundstedt Cabanayan Ebdane, QC Councilor Nanette Castelo Daza, Councilor Mutya Castelo, Quirino Province Governor Dakila Carlo E. Cua, at Pasig City Administrator Atty. Jeron Manzanero.