Nakipagtulungan ang Philippine National Volleyball Federation (PNVF) sa Quezon City Epidemiology & Disease Surveillance Unit para sa Mass Antigen Testing na sinimulan noong Miyerkules, Hunyo 8, 2022 at tatagal hanggang Sabado, Hunyo 11, 2022 para sa volleyball players, organizing committees, at Federation Internationale De Volleyball (FIVB) na mula sa bansang Thailand at Japan.

Nag-negatibo ang lahat ng sumailalim sa antigen test na aabot sa 61.

Ang Mass Antigen Testing ay para sa darating na Volleyball Championship na gaganapin sa Hunyo 14 – 19, 2022 para sa Women’s Championship at sa Hunyo 21 – 26, 2022 at para sa Men’s Competition sa SMART Araneta Coliseum, Quezon City. Itatampok din sa event ang Tokyo 2020 Olympic Champion Teams.